Seasons (2023) Directed by: Easy Ferrer
Kurt and Charlie are bestfriends for all seasons.
Mahirap unawain at makapasok sa relasyon ng dalawang ito.
Imbes na ipakilala ang kanilang samahan, pinili nilang idaan sa narration ang mga importanteng kabanata ng kanilang buhay. Mahilig din sila sa mga collage at pinagtagpi-tagping mga eksena. Makalat ang paraan ng kanilang pagkwento. Kung walang narration at collage, mas sasabog ang pelikula.
Pilit ang kanilang naging tambalan. Walang bago sa pagganap ni Carlo Aquino. Hindi natural ang pagiging kwela ni Lovi Poe sa palabas na ito. Mas ramdam mo siya nung kumalma na siya at naging seryoso na.
Mahilig din sa musika ang karakter niya dito. Isisingit lang ang mga kanta niya kapag gusto na niyang mag-drama. Hindi na ibinahagi ang paraan ng kanyang pagsusulat. Pang-music-video lang. Maganda sana ang mga kanta at ang boses ni Lovi Poe, pero hindi ka rin tuluyang mahuhulog dahil nakakainis ang mga eksena.
Hindi makatotohanan ang mga nangyayari. Walang tao sa mga pampublikong lugar. Ang mga ekstra ay hindi marunong umarte. Andaming karakter na mahalaga sa istorya, pero pasulpot-sulpot lang sila. Ang mga linya ay pang-pelikula lang. Hindi nasasapul ang mga dapat pag-usapan.
Hindi makatao ang mga kaganapan. Hanggang sa kahuli-hulihang mga sandali, hindi sila nabigo na mambigo. Pinanindigan nila ang istorya nilang walang dignidad, isip, at puso.
There’s no character development and no effort to redeem their story from disgrace.
Having two famous Filipino actors in the most-subscribed streaming platform in the world, Regal chooses to tell a cringey story with uninspiring characters. What a waste of opportunity.
Just like the characters and their friendship, it’s a toxic movie for all seasons.
SEASONS
Rating: 0/5
Cast: Lovi Poe, Carlo Aquino Presented by: Regal Entertainment, Inc. Date Released: July 7, 2023 via Netflix A Movie Review by: Goldwin Reviews
Comments